Aula 2 (Feita por Alumnos da Academia)

Manuel Hermida Paz informounos que no curso 68/69 os alumnos de 6º editaron a revista AULA 2, poñéndolle ese nome porque D. Daniel lles indicara que xa existira antes outra revista AULA. Escribian Carlos Marín, Quico Manzano, Gonzalo Eimil, Masú Carballeira, Vicente Apenela, Lis García e Manuel Hermida. Non había Director e tiñan acordado asinar con seudónimo, pero un deles non o fixo. 

Os dous primeiros números fixéronos a máquina de escribir entre Vicente Apenela e Manuel Hermida. Os restantes, imprimíronse na multicopista de Sindicatos. Hermida  conservou varios números ata que hai uns anos llos entregou a Chema Felpeto, do Instituto de Estudos Chairegos, e Chema facilitóunolos para dalos a coñecer entre todos os que temos relación coa ACADEMIA SANTA MARÍA DE VILALBA.